МІНКУЛЬТ-3

Рады прадставіць вам неверагодную магчымасьць паўдзельнічаць у стварэньні новага часопісу беларускае прозы «Мінкульт-3»!

У сучасным культурным асяродзьдзі не хапае разнастайнай мастацкай прозы, дыскусіяў вакол літаратурнага працэсу, і таму нам усім вельмі неабходны новы, малады і амбітны праект — такі як «Мінкульт».

Для кожнага такое простае і звыклае слова «мінкульт» загучала гэтак па-рознаму.

Хтосьці ўбачыў тут тролінг бюракратыі, хтосьці сьціпла вырашыў, што гэты

часопіс будзе банальна зьнішчаць высокую культуру, хтосьці абураўся, што часопіс займаецца прапагандай, але не сказаў, прапагандай чаго, а некаму падалося гэта ўсё нават абмежаваньнем беларускай прозы сталіцай: «Мінская культура».

Няхай будзе як мага больш цытаваньняў, прачытаньняў, дыскусіяў і проста

добрай прозы, якую варта было б разьмясьціць на старонках новага часопісу.

Зьмест і тэматыка трэцяга «Мінкульту» — фантастыка!

Тая фантастыка, якая сталася цяпер паўсядзённасьцю, і тая фантастыка, якая цяпер ствараецца на падмурках сучаснага грамадзтва.

Што навокал мяняецца? Як будзе далей? Што мы можам адсачыць і прапанаваць зьмяніць? Папярэдзіць у сваіх апавяданьнях альбо параўнаць з тым, што ўжо адбылося, і мы ўжо дажываем у сваім пакаленьні “1984” год, і далей будзе толькі горш – невядома і адначасова вядома, бо літаратура, асабліва фантастыка, містыка, відзежы і прароцтвы заўжды краналіся таго, што павінна адбыцца, што мусіць існаваць тут і цяпер у космасе і павінна быць прамоўленым.

Фантастычны «Мінкульт» кранецца маладой фантастычнай літаратуры, параўнае і пакажа, як, што і навошта нам тут і цяпер жыць, за чым варта сачыць і чаго –пазьбягаць.

Часопіс супраць цэнзуры, супраць любых камітэтаў, якія спрабуюць

кантраляваць мастацтва.

Характарыстыкi:

«Мінкульт» будзе вялікі, памерам А4, – 200 старонак чыстай прозы,

задавальненьня, інтэлектуальнай оргіі ды простага каханьня для душы.

Вокладка нумара

За першы нумар піў Букоўскі...

На яго месца прыйшоў Хэмінгуэй:

Цяпер пісьменьнік, які выступае абаронцам нумару, – Філіп

К. Дзік.

У нас атрымаўся першы нумар, пра яго можна пачытаць па

спасылцы: https://ulej.by/project?id=786187 альбо паглядзець на фота ніжэй

і ў нас атрымаўся другі нумар, спасылка: https://ulej.by/project?id=68146

Цяпер надышоў час падтрымаць «Мінкульт-3» з новымі выбітнымі аўтарамі, якія напісалі апавяданьні на фантастычную тэму.

ТРЭЦІ «Мінкульт» сабраў у адным месцы адметных пісьменьнікаў:

• Ахроменка
• Балахонаў
• Бычкоўскі
• Глобус
• Дзічэнка
• Казарцаў
• Календа
• Калейчык
• Садоўскі
• Заміроўская
• Уласенка

Каманда праекта:

Па любых пытаньнях можна ліставаць на mimikriabel@gmail.com