“Картаграфія ВКЛ”: кніга ў падмурак навукі

Польскі прафесар беларускага паходжання - пра гісторыю нашых земляў на картах. Перавыдаем класічную працу па-беларуску.

    нашай картаграфіі слаўная, шматвяковая традыцыя. На жаль, толькі ў апошні час сталі з'яўляцца публікацыі, дзе гісторыя картаграфіі разглядаецца з беларускіх пазіцый. Але яны не маюць агульнага падмурку.

    Радзівілаўская карта ВКЛ 1613 года (рэпрадукцыя ў раме 80х100 см) - адзін з падарункаў фундатарам

    Тым часам гісторыя картаграфавання нашых земляў напісана! Яшчэ ў 1971 годзе ў Польшчы выйшла першае выданне кнігі Станіслава Александровіча “Развіццё картаграфіі ВКЛ да сярэдзіны 17 стагоддзя”. Гэта была яго справаздача на “габілітацыю” — па-нашаму доктарская дысертацыя. Кніга стала бестсэлерам, апошняе выданне ўбачыла свет у 2012 годзе (перапрацаванае і дапоўненае) пад грыфамі Каралеўскага замка, Інстытута гісторыі навукі Польскай акадэміі навук і Варшаўскага навуковага таварыства.

    Перакладзеная на беларускую мову, кніга дасць цэласнае і справядлівае ўяўленне пра нашу картаграфію.

    ХТО ТАКІ СТАНІСЛАЎ АЛЕКСАНДРОВІЧ

    Самая важная постаць сярод даследчыкаў картаграфіі беларускіх земляў — Станіслаў Александровіч (1931-2015), доктар гуманітарных навук, прафесар Торуньскага і Варшаўскага ўніверсітэтаў. Менавіта С. Александровіч стаяў на абароне поспехаў вялікалітоўскай картаграфіі ад нападаў як з захаду, гэтак і з усходу. Гэта ён, у прыватнасці, даказаў, што нясвіжскае выданне Радзівілаўскай карты ВКЛ існавала - насуперак уплывовым польскім даследчыкам. Гэта ён выступіў з крытыкай высноў акадэміка Б. Рыбакова наконт першакрыніц "рускіх" карт Масковіі. Усё гэта ёсць у кнізе.

    Станіслаў Александровіч (1931-2015) - аўтарытэтны даследчык картаграфіі

    Род Александровічаў паходзіць з Беларусі, з-пад Браслава. Навуковец не забываў пра гэта: ён збіраў кнігі беларускіх навукоўцаў і нават некаторы час выкладаў у Мінску. Падрабязней пра навукоўца чытайце на нашым сайце.

    ЯКОЙ БУДЗЕ КНІГА?

    У выданні будзе каля 344 с., з іх 68 с. каляровых. Фармат 218х280 мм. Запланавана цвёрдая вокладка.

    У кнізе 6 радзелаў:

    • I. Землі Літвы і Беларусі на старажытных і сярэдневяковых картах
    • II. Землі Вялікага Княства Літоўскага на картах Бярнарда Вапоўскага і яго паслядоўнікаў
    • III. Радзівілаўская карта Вялікага Княства Літоўскага
    • IV. Землі Вялікага Княства Літоўскага на картах 1650–1763 гадоў
    • V. Найстарэйшыя памежныя і маёмасныя карты XVI і XVII стагоддзяў
    • VI. Пачаткі вайсковай картаграфіі

    У канцы кнігі змешчаны 56 каляровых рэпрадукцый рэдкіх карт і планаў з архіваў Польшчы, Літвы, Швецыі. Важна адзначыць планы аблогі Полацка і карту Полацкага княства Станіслава Пахаловіча 1580 года, карту багнаў Палесся Даніэля Звікера 1650 года, ананімны праект адбудовы замка Улы 1568(?) года, план аблогі Ляхавічаў 1660 года, план бітвы пад Клушынам і план Масквы Тамаша Макоўскага.

    Першая карта Беларусі А. Смоліча 1919 г. - адзін з падарункаў фундатарам

    ШТО ЎЖО ЗРОБЛЕНА

    Ідэя выдання кнігі належыць калекцыянеру Аляксею Адамовічу. Ён прафінансаваў пераклад і навуковую рэдактуру.

    Пераклад выконвае гісторык Максім Макараў, колішні аспірант пана Станіслава Александровіча. Работа будзе скончана ў лютым 2020 года.

    Каманда imago.by атрымала правы на перавыданне кнігі ад спадкаемцаў навукоўца. З музеяў і бібліятэк, у якіх захоўваюцца рэдкія карты, апублікаваныя ў манаграфіі, атрыманы афіцыйныя дазволы на публікацыю выяў.

    ПАДАРУНКІ

    У кнізе знойдзецца месца, каб згадаць кожнага, хто падтрымае выданне. Незалежна ад сумы.

    20 р. - вы атрымаеце якасную рэпрадукцыю ўнікальнай карты Беларусі Аркадзя Смоліча, пра якую можна прачытаць на нашым сайце.

    Памер рэпрадукцыі 600х445 мм, лічбавы друк з двух бакоў.

    50 р. - кніга С. Александровіча. Яшчэ да Новага года мы ўручым вам Сертыфікат, які да канца 2020 года можна будзе абмяняць на кнігу.

    100 р. - кніга + запрашэнне на лекцыю ў студыі imago.by. Пагаворым пра калекцыянаванне антыкварных карт як інструмент інвестыцый, пра рэстаўрацыю і захоўванне папяровых аб'ектаў, а таксама пра падробкі.

    350 р. - якасная рэпрадукцыя Радзівілаўскай карты Вялікага Княства Літоўскага (з Дняпром) у раме 80 х 100 см.

    3000 р. - кніга + арыгінальная антыкварная карта Еўропы ў якасці падарунка (аформленая ў раму).

    Падзяка за самы буйны фундуш - арыгінальная карта Еўропы 1762 г.

    КАМАНДА

    Арганізацыйнымі пытаннямі перавыдання займаецца каманда студыі imago.by:

    • Валянціна Андрэева, даследчык, менеджар праектаў;
    • Ілля Андрэеў, даследчык гісторыі картаграфіі, калекцыянер;
    • Аляксандр Перагудаў, гісторык.

    За рэдагаванне, вёрстку і друк адказвае выдавецтва “Тэхналогія”.

    КАНТАКТЫ

    Другие проекты

    Нет данных